خير محمد ٻرڙو سيوهاڻي
خير محمد ٻرڙو سيوهاڻي
خير محمد ٻرڙو سيوهاڻي: مشھور ليکڪ ۽ محقق خير محمد ولد حبيب الله ٻرڙي، 29 اپريل 1949ع تي سيوهڻ لڳ ڳوٺ ڪاڇي واهڻ، ضلعي ڄامشوري ۾ جنم ورتو. ابتدائي ۽ ثانوي تعليم اباڻي ڳوٺ ڪاڇي واهڻ ۽ سيوهڻ مان حاصل ڪئي. ان بعد دادو ڪاليج مان بي. اي (1976ع)، ايم. اي (معاشيات ۽ سماجيات) ۽ بي. ايڊ (B. Ed) جون ڊگريون حاصل ڪيون. هن پنھنجي عملي زندگيءَ جي شروعات 1971ع ۾ استاد طور ڪئي. 1985ع ۾ سنڌ ايرڊ زون ڊولپمينٽ اٿارٽي (سازدا) ۾ پلاننگ آفيسر مقرر ٿيو. نوڪريءَ دؤران ترقي ڪندي دادو، سانگھڙ ۽ نوشھري فيروز ۾ ڊسٽرڪٽ آفيسر جي عھدي تائين پھتو. لکڻ جي شروعات 1975ع کان اخبارن ۽ رسالن ۾ مضمون لکڻ سان ڪئي. سندس ڇپيل ڪتابن ۾: ‘ذاتين جي انسائيڪلوپيڊيا’ (2005ع)، ‘اسماء الحسنى’ (2011ع)، ‘سيوهڻ صدين کان’ (تحقيق)، ‘سنڌو نديءَ جو مختصر احوال’ (تحقيق: 2015ع)، ‘اسماء المصطفيٰ’ (2015ع)، ‘حيات لال شھباز قلندر مع شاعري’ (اردو ترجمو: 2013ع) ۽ ‘پھاڪن جي انسائيڪلوپيڊيا’ (ٻه ڀاڱا: 2022ع ۽ 2023ع) شامل آهن. سنڌ گريجوئيٽس ائسوسيئيشن سيوهڻ جو مالياتي سيڪريٽري ۽ نائب صدر رهي چڪو آهي. اپريل 2009ع ۾ رٽائرڊ ٿيو. رٽائرمينٽ کانپوءِ ڪجهه عرصو ضلعي نوشھري فيروز ۾ ڊولپمينٽ ڪنسلٽنٽ طور به ڪم ڪيو.
لفظ خير محمد ٻرڙو سيوهاڻيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
29.04.1949 عيسوي
مشھور ليکڪ ۽ محقق خير محمد ولد حبيب الله ٻرڙي، 29 اپريل 1949ع تي سيوهڻ لڳ ڳوٺ ڪاڇي واهڻ، ضلعي ڄامشوري ۾ جنم ورتو.
اديب - ڀاڱي جون ٻِيون داخلائون
شاهنواز فقير نظاماڻيشعبان بخت
سمرسيٽ ماهم
خليق مورائي
قدير شيخ
صبيحا نذير مگسي
ڪاشف حسين سومرو
حميد ابڙو
سڪندر علي مرزا
خادم حسين لاکير ڊاڪٽر